SEMANA DAS LETRAS GALEGAS 2024

 Para pechar a Semana das Letras Galegas, o xoves 16 de maio tivemos a sorte de recibir dúas visitas moi especiais no colexio...

O alumnado de Educación Infantil e do 1º e 2º ciclo de Educación Primaria desfrutou do espectáculo "Brincadeiras da lingua" da agrupación teatral "Migallas Teatro", actividade organizada polo equipo de biblioteca do centro... 

...as risas, cantos e entusiasmo do alumnado estuveron garantizados!

Mentres, o alumnado do 3º ciclo de Educación Primaria experimentou cun obradoiro de escrita creativa baseado na elaboración de regueifas, impartido por unha persoa experta do colectivo "Erre que Erre, Regueifa Rabuda" (Asociación Cultural "ORAL"). Neste caso o desfrute por parte da rapazada tamén foi indiscutible, e tanto o alumnado como os mestres participantes non tuveron máis que adxectivos positivos para a actividade!

GRAZAS a Xanhe e a Migallas Teatro!

SEMANA DAS LETRAS GALEGAS 2024

 O martes 14 de maio, para continuar ca celebración da Semana das Letras Galegas, tivemos a sorte de recibir no noso centro a unha agrupación teatral moi especial...

...alumnos e alumnas de todos os cursos representaron o espectáculo "O espantallo", unha preciosa e orixinal obra que namorou a todos e todas.

Millóns de gracias á ANPA do colexio e á A.C. "O XEITO" polo seu marabilloso traballo!

SEMANA DAS LETRAS GALEGAS 2024

 Por fin, chegou a Semana das Letras Galegas, que este ano se lle adica á escritora e violinista Luisa Villalta.

No colexio, a semana está repleta de actividades!

O luns, colocamos unha serie de actividades ou "retos" en diferentes zonas do centro, para achegar ao alumnado á autora homenaxeada e, por suposto, á lingua galega.

No taboleiro de Dinamización da Lingua Galega, colocamos información sobre Luisa Villalta, así coma diversas actividades impresas para todos os niveis.

Xunto ao taboleiro, comeza o primeiro "reto"...

Serán capaces de resolver os puzzles? Algún é ben complicado!

O segundo "reto" colocouse na biblioteca...

...xogando, iremos aprendendo cousiñas sobre a vida e obra de Luisa Villalta!

No corredor de Educación Infantil, podemos atopar o terceiro "reto", que consiste en recompilar ditos e refráns propios da tradición oral galega. Os máis pequenos do cole xa comezaron colgando algúns polas paredes, e o obxectivo é que o alumnado dos diferentes cursos vaia engadindo outros novos ao longo da semana!

O último "reto" ten como obxectivo que o alumnado experimente ca poesía e ca rima en galego. Para iso, no recuncho correspondente poden atopar dous xogos.

O primeiro, para os máis pequenos, trátase de emparellar os debuxos que riman.

O segundo, de maior nivel de dificultade, trátase de que o alumnado lea diferentes fragmentos de poemas de Luisa Villalta aos cales lles falta o último verso, para despois imaxinar ou inventar eses finais. Os versos finais orixinais dos poemas poderán atopalos nunha caixa, para poder comparalos posteriormente cos que eles/as escribiron. Anímaselles, ademais, a que peguen na parede os versos que escribiron.

Agora, A XOGAR!

DÍA DAS ARTES GALEGAS

 Este 1 de abril coincidiu cas vacacións de Semana Santa, pero non nos esquecemos de celebralo á volta!

Achegamos ás aulas un material audiovisual con información sobre o autor homenaxeado... Francisco Asorey!

Preme aquí para acceder ao material!

Tamén propuxemos un reto moi interesante, para quen lle apeteza... 

...trátase de recrear dúas das obras máis importantes de Francisco, e que máis representan a nosa cultura: "Naiciña" e "Tesouro". Poden facelo co soporte e materiais que consideren: pinturas, papel maché, deseños para a impresora 3D... imaxinación ao poder!

PRODUCIÓNS DO ALUMNADO DE PRIMARIA- ROSALÍA DE CASTRO

 O alumnado de Educación Primaria sorprendeunos cuns traballos chulísimos, e moi creativos, sobre a nosa autora homenaxeada....

O alumnado de 1º, ademais duns marabillosos retratos de Rosalía, elaborou un podcast na radio do centro recitando a poesía "Miña casiña, meu lar"...

Preme aquí para escoitar o podcast!

O alumnado de 2º,3º e 4º, pola súa banda, quixeron adornar os corredores cos seus orixinais traballos... a través dos cales desenvolveron, sen dúbida, a súa creatividade!

Poesías escritas polo alumnado de 2º de Primaria

Liña do tempo da vida de Rosalía elaborada polo alumnado de 3º de Primaria

                                                    Versións dalgúns poemas de Rosalía 

                                             elaboradas polo alumnado de 4º de Primaria

Ademais, moitos/as quixeron tamén deixar constancia na radio "Laretas" das súas poesías versionadas...

Preme aquí para escoitar o poema!

Preme aquí para escoitar o poema!

Os alumnos/as de 5º de Primaria, que investigaron moito sobre Rosalía, cóntannos tamén no seu propio podcast alguhas cousiñas moi interesantes sobre ela...

Preme aquí para escoitar o podcast!

MOITÍSIMAS GRAZAS A TODOS E A TODAS!💖

DÍA DE ROSALÍA- 23 DE FEBREIRO DE 2024

 Dende o EDLG deseñouse un material audiovisual para que o alumnado do cole pudera achegarse un pouquiño máis á vida de Rosalía de Castro.

Os nenos e nenas de Educación Infantil experimentaron, pois, dun xeito interactivo, cun poema musicado de Rosalía de Castro, extraído do traballo "Rosalía Pequeniña" da editorial Galaxia. 

Preme aquí para acceder ao material!

Ademáis, como artistas que son, decoraron uns preciosos retratos de Rosalía, que expuxeron nos corredores...

... e recibiron unha visita moi especial! O alumnado de 1º de Educación Primaria recitoulles un poema de Rosalía titulado "Miña casiña, meu lar". 

Pola súa banda, o alumnado de Educación Primaria, tamén desfrutou aprendendo sobre a autora homenaxeada...

Preme aquí para acceder ao material!

...e algúns, díxome un paxariño, que andan argallando traballiños ben xeitosos; agardamos impacientes!

GRAZAS ROSALÍA!

... e grazas a todos/as polo traballo realizado!